"di lang ikaw" by juris fernandez

pansin mo ba ang pagbabago?
di matitigan ang iyong mga mata
tila di na nananabik
sa iyong yakap at halik
sana'y malaman mo
hindi sinasadya
kung ang nais ko ay maging malaya

di lang ikaw
di lang ikaw ang nahihirapan
damdamin ko rin ay naguguluhan
di lang ikaw
di lang ikaw ang nababahala
bulong ng isip wag kang pakawalan
ngunit puso ko ay kailangan kang iwan

pansin mo ba ang nararamdaman
di na tayo magkaintindihan
tila hindi na maibabalik
tamis ng yakap at halik
maaring tama ka lumalamig ang pagsinta
sana'y malaman mong di ko sinasadya

di hahayaang habang buhay kang saktan
di sasayangin ang iyong panahon
ikaw ay magiging masaya
sa yakap at sa piling ng iba...

***

una kong narinig ang awiting ito sa isang teleserye. at noong ako ay nasa guam, halos araw-araw yata ay naririnig ko ito sa kotse papunta ng opisina at pauwi sa bahay. nagustuhan ko ang kantang ito dahil sa magandang himig nito, at siguro dahil na rin sa kakaibang pagkanta ni juris. sa tingin ko, kung iba ang kumanta nito ay hindi ganoon kaganda ang dating nito sa pandinig. tamang-tama ang lambot at lambing ng tinig ni juris para sa kantang ito.

mula sa simple, ngunit madamdaming titik ng awiting ito, siguradong "theme song" ito ng mga brokenhearted. 'ika nga nila, halos lahat naman ng magagandang kanta, karamiha'y tungkol sa mga pusong wasak at sugatan. mas madamdamin siguro kasi isiwalat ang damdaming umiiyak at nahihirapan, kaysa sa humhalakhak at tumatawa. kaya naman kahit sa mga obrang gaya ng awit at tula, hindi naiiwasang halos pighati at sakit ang nilalaman.

nawa'y magkaroon pa si juris ng mga magagandang orihinal na kanta na kagaya nito, lalo na't siya ay soloista na lamang ngayon. ang boses niya ay masarap sa tenga pakinggan, isang kaaya-ayang pahinga at alternatibo mula sa mga walang sawang sumigaw at bumirit. hindi ba kayo napapagod?

hindi naman sukatan ng galing sa pag-awit o ganda ng boses ang taas ng tono na kayang abutin. ang importante ay kaya ng isang mang-aawit na iparating ang tamang damdamin na hinihingi ng isang awitin. at sa tingin ko, nagawa naman ito ni juris, baka nahigitan pa nga.

hay buhay ng sugarfree

parang kailan lang nung ako’y nagsimula pa lang matutong
matuto tumayo, maglakad, sumabay, at lumangoy sa alon ng buhay, ng aking buhay

kay hirap din palang hanapin ang iyong sarili
sa isang mundong laging nagmamadali
sa kakahabol ay tuluyan nang napagod at napaupo
naisip ko nang sumuko

dahil nakita mo na akong sumablay, narinig mo na ang puso kong bumigay

hay buhay, hay buhay, hay buhay nga naman...

parang kailan lang nung ako’y huling umibig
at linamon, linason ng kilig

bawat pangako ng ligaya, sinalubong ng trahedya
ang habangbuhay, naging babay

parang kailan lang nung ako ay mag isa’t nakadapa na, walang wala na
ako’y natutong magdasal, manalig sa maykapal
at unti unti, sa aking sarili

pipilitin kong di na muling sumablay, o ang puso ko hindi na muling bumigay

ang mga titik ng kanta at larawan ng album ay mula sa: www.WeAreSugarfree.com

hay..... ang galing-galing talaga ng sugarfree. ngayon ko pa lang narinig ang kantang ito, kasabay na rin sa panonood ng kaakibat nitong mtv, pero grabe! hindi pa rin ako binigo ng sugarfree. lalo lang nadagdagan ang paghanga ko sa kanila, lalong-lalo na sa pagsulat ni ebe dancel ng titik ng awiting ito. isang simpleng-simpleng kanta na tumagos na naman sa akin, at syempre nagpaalala rin sa akin na gusto ko nga palang kumpletuhin ang kanilang mga albums. wala ka talagang itatapon sa kanilang mga kanta.

ang "hay buhay" ay ang current single mula sa bago nilang album na may pamagat na "mornings and airports." isang magandang titulo, sa aking palagay, na nababagay talaga sa mga katulad ng sugarfree na halos nabubuhay na yata mula sa mga paliparan hindi lang dito sa ating bansa, kungdi pati na rin sa buong mundo. o kung hindi man na gaya nilang bandista, may mga tao ring tila kaakibat na ang mga paliparan sa kanilang buhay, gaya ng mga taong madalas bumiyahe. may mga tao kasing nakakabit ang buhay sa bawat pagbiyahe... sa bawat paglipad... sa bawat paglapag... sa bawat pagdating... sa bawat pag-alis... at sa bawat paghihintay.

kaya't masasabi ring ang pagbiyahe ay hindi lamang tinutukoy ang literal nitong kahulagan na pagpunta o paglipad patungo sa kung saan-saang lugar. ito rin ay maaring maging simbolo ng byahe ng ating mga buhay.

naisip ko tuloy ang aking sariling biyahe... 'ika nga ng kanta:

"parang kailan lang nung ako ay mag isa’t nakadapa na, walang wala na
ako’y natutong magdasal, manalig sa maykapal
at unti unti, sa aking sarili"

lahat yata ng tao ay dumarating sa mga ganoong pagkakataon na halos nakalugmok na sa pagkakadapa, na halos walang-wala nang maibubuga, at ubos na ubos na. akalain man nating wala na tayong patutunguhan o wala nang kwenta ang ating buhay, isang tawag lang naman ang kailangan nating gawin, isang matinding pananalig... sabi nga nila, kapag walang-wala ka nang mapuntahan, iisa lang naman ang walang pag-iimbot na makikinig at tatanggap sa'yo. at kapag kumapit ka sa Kanya, walang imposible. isa itong importanteng hakbang na kailangan nating gawin upang umahon. kasunod na rin ng panunumbalik ng tiwala sa sarili ang paniniwala sa walang kapantay na pagmamahal ng Diyos.

oo nga, pinagdaanan ko palang lahat ng mga 'yon. at oo nga ulit, parang kailang nga lang... sino nga bang mag-aakalang nanggaling pala ako sa dilim at malalim na hukay na iyon? sino bang mag-aakalang nalunod rin ako sa pighati at pag-iisa? na minsan sa aking buhay ay walang-wala rin akong pag-asa? walang-walang patutunguhan?

sino bang mag-aakalang kakayanin kong bumangon pang muli?

at sino rin bang mag-aakalang mas magiging maayos pa ang buhay ko ngayon? sino ba ang mag-aakalang mas magiging masaya ako ngayon?

minsan nga raw ay masalimuot ang buhay. hindi natin alam kung bakit nagaganap ang mga bagay-bagay o kung saan ba talaga tayo dadalhin ng ating buhay. siguro kailangan lang talaga nating manampalataya... maniwalang meron nga tayong patutunguhan. sabi nga, may plano ang Diyos para sa ating lahat. siguro ay inihahanda lamang Niya tayo sa buhay na talagang nauukol para sa atin kaya kailangan nating pagdaanan ang hirap at sakit.

kaya ako... tuloy-tuloy lang ang buhay! maliban sa paniniwala at pagpapaubaya ko sa Diyos ng aking buhay, e syempre...

"pipilitin kong di na muling sumablay, o ang puso ko hindi na muling bumigay"

:)

;p

"nag-iisa, wala ka na" ni noel cabangon

papalubog na naman ang ilaw
nagpapaalam na naman ang araw
ang gabi ay muling mamayani
at ang lamig ay hahaplos sa pisngi

ilang araw na ang lumipas
magmula nang ika'y magpaalam
ilang gabi na ang nagdaraan
ang pag-iisa'y 'di na 'di na makayanan

ngunit kailangan kong indahin ang lamig ng gabi
ngunit kailangan kong tanggapin wala ka na sa tabi
nag-iisa, wala ka na
wala ka na, nag-iisa

ala-ala'y nagbabalik sa aking isip
mga larawan ng bawat sandali
pag-ibig nating sinumpaan
ipinangako sa liwanang ng buwan

ngunit kailangan kong indahin ang lamig ng gabi
ngunit kailangan kong tanggapin wala ka na sa tabi
wala ka na, nag-iisa
nag-iisa, wala ka na

ngunit kailangan ko nang masanay
at tanggapin na lumisan ka na ng tunay
ang lahat lahat ay bubuti ang pag-ibig ay mananatili
lagi't-lagi hanggang sa walang hanggan...

hindi ko na maalala kung kailan ako nagsimulang mahumaling sa mga awitin ni noel cabangon. basta't ang tanda ko naging madalas ang aking panonood ng kanyang mga pagtugtog sa mga restaurants/bars, hanggang sa nagkaroon na ng conspi. sa loob ng panahon na yaon ay masasabi kong kahit paano'y naging malapit na rin kami. kaya nga ako naging conspirator (at ang aking bespren) ay nang dahil na rin kay noel.

ang "nag-iisa, wala ka na" ay mula sa pinakabagong album ni noel na "himig nating pag-ibig." ito ang isa sa mga kantang nakapukaw ng aking damdamin at naging kasa-kasama ko rin sa mga panahon ng aking pag-iisa.

minsan sa ating buhay ay kailangan din nating tumigil at maging mag-isa upang matukoy natin kung ano ang nararapat para sa atin...

ikaw at ako pa rin ni rica arambulo

lagi-lagi na lang
'di maalis ang pagnanais ko
na ipahiwatig
ang damdamin ko sa'yo
at ako ang napili ng puso mo

oh ang nadaramang ito
magpakailanma'y hindi magbabago
tulad ng araw
tulad ng ikot ng mundo
tulad ng pag-ibig ko sa'yo mahal...

at kung ako ay mabibigyan
ng pagkakataong maulit ang lahat
ilang ulit ko ring isisigaw
tanging ikaw pa rin, sinta...
ikaw at ako pa rin...
mahal...

tulad ng araw
tulad ng ikot ng mundo
tulad ng pag-ibig ko sa'yo mahal...

at kung ako ay mabibigyan
ng pagkakataong maulit ang lahat
ilang ulit ko ring isisigaw
tanging ikaw pa rin, sinta...
ikaw at ako pa rin...
mahal...

mahal...

mahal...

at kung ako ay mabibigyan
ng pagkakataong maulit ang lahat
ilang ulit ko ring isisigaw
tanging ikaw pa rin, sinta...
ikaw at ako pa rin...

ikaw at ako pa rin...
mahal...

kung meron mang nagpapasaya at nagpapatingkad ng mga lunes sa conspi, iyon ay sa tuwing tumutugtog si rica arambulo. alam naman nating patay na araw ang lunes sa karamihan ng mga bars na gaya ng conspi, kaya't isang magandang ideya na magkaroon ng "piano nights with rica arambulo" kung lunes. hindi man regular ang gigs ni rica tuwing lunes sa conspi ay mapapanood pa rin naman sya kahit isa o dalawang beses sa isang buwan.

sa galing ni rica sa pagkanta at pagtipa ng piano, hindi mapipigilan ng kahit sino mang manonood sa kanya na mapasabay sa kanyang mga awitin. maraming mga popular na kanta ang inaawit ni rica sa kanyang mga gigs, ngunit hindi lamang iyon sapagkat isa rin siyang magaling na kompositor. kahit hindi mo alam ang kanyang mga orihinal na awitin, siguradong isa sa mga ito ay tatatak sa'yo kapag iyong narinig. gaya na nga ng nangyari sa akin noong una kong marinig ang kantang "ikaw at ako pa rin." ang titik at musika nito ay nilikha mismo ni rica at nagmula sa album na may pamagat ring "rica arambulo."

mapapanood si rica ngayong lunes, may 25, sa conspiracy garden cafe, #59 visayas avenue, brgy. vasra, quezon city.

"antukin" ni rico blanco

iniwan ka na ng eroplano
ok lang baby
'wag kang magbago
dito ka lang
humimbing
sa aking piling
antukin

kukupkupin na lang kita
sorry wala ka nang magagawa
mahalin mo na lang ako
ng sobra-sobra
para patas naman tayo
'di ba?

chorus:
sasalubungin natin ang kinabukasan
ng walang takot at walang pangamba
tadhana'y merong tip na makapangyarihan
kung ayaw may dahilan
kung gusto palaging merong paraan

pinaiyak ka ng manghuhula
hindi na raw tayo magkasamang tatanda
buti nalang
merong langit na nagtatanggol sa
pag-ibig na pursigido't matiyaga

bridge:
long as we stand as one
ano man ang ating makabangga
nothing will ever break us
wala talaga
as in wala

coda:
hahalikan nalang natin ang kinabukasan
ng buong loob at yayakapin pa
tadhana'y medyo overrated kung minsan
kung ayaw may dahilan
kung gusto palaging merong paraan

gumawa na lang tayo ng paraan
gumawa na lang tayo ng...
baby, gumawa na lang tayo ng paraan

***lyrics mula sa blog ni niña sandejas

ang entry na ito ay para sa'yo... alam mo na kung sino ka. kung bakit? basahin mo na lang 'yung title at 'yung lyrics.

una kong narinig at nakita ang mtv ng kantang ito sa blog ni niña sandejas. kaya salamat sa kanya. alam kong hindi naman siya nagbabasa ng blog ko, pero salamat pa rin. hehe... oo na, huli na ko sa lahat at kailan ko lang nalaman ang kantang ito. pero 'ika nga nila, huli man daw at magaling.... huli pa rin! ahehehe... 'di na kasi ako nakakapakinig ng NU107. at mas lalo namang hindi na ako nakakapanood ng MTV dahil wala kaming cable. isa pang kamalas-malasan, hindi rin makuha ang channel 23 sa aming sushal nga pero walang kwenta namang tv (mejo flatscreen na kse ito). kaya goodbye rin MYX. hay... e kse naman daw, digital na raw ang tv na ito, kaya kailangang may cable ka talaga para makuha mo lahat ng channel nang malinaw. kapag antenna lang ang ginamit mo, e goodluck na lang sa'yo. kaya goodluck na lang sa'kin!

bihira akong makagusto ng kantang halong ingles at tagalog ang lyrics. pero magaling talagang gumawa ng kanta si rico blanco. simple ang mga salita at pagkakasulat, at madali itong tumatak sa isipan ng sino mang makikinig. sa aking opinyon, isa si rico sa mga musikero at bandistang Filipino na magaling humabi ng mga salita upang maging isang simple ngunit makata at makabuluhan na mga kanta. nakakalungkot man na kinailangan niyang humiwalay sa dati niyang banda, nakakatuwa na rin dahil hindi siya tumigil sa pamamahagi ng kaniyang talento sa industriya ng musika. nawa'y patuloy pa rin siyang humabi ng mga masisinsin na mga awiting Filipino na ating maipagmamalaki.

kakapakinig ko lang din ngayon-ngayon lang ng kantang ito sa NU107 (o ayan, nakikinig na 'ko ulit!), kaya naisipan ko na ring i-post ang entry na ito. tutal e wala pa naman akong song entry para sa linggong ito. kaya bago ako humayo mamayang gabi papunta sa aking maikling bakasyon sa la union, na sisingitan ng maikling byahe sa ilocos ng sabado, at babalik ulit ng maynila ng linggo (kasalanan mong lahat ng ito, bespren ko doon!)... whew!!! e iiwanan ko muna ang aking blog, at ikaw na masugid na tagasubaybay ng aking blog, ng isang kyut na kyut na kanta. :) para sa'yo talaga 'to e, kasi antukin ka talaga!

"isipin mo na lang" ni bayang barrios

napakatagal nang panahon nung huli akong nag-post ng isang awitin dito sa aking blog. sa aking pagkakatanda, ito yata ay ang kanta ni regina spektor na "samson,", may mga dalawang taon na sigurong nakararaan. naaalala ko, naroon pa yata ako sa dati kong trabaho bilang isang "web content writer" nung huli akong nakapag-post ng awitin rito.

bilang isang nilalang na maalab ang damdamin sa musika, inisip ko noong nais kong maglagay dito ng isang awitin kahit man lang isa kada linggo. kahit anong awitin na mapusuan ko, maging ito man ay konektado sa aking buhay o hindi. ngunit ewan ko ba kung ano ang nangyari. sabay siguro ng pagtamlay ng aking pagsusulat dito ay ang siya ring paglamlam ng alab ng musika sa aking puso. pero 'ika nga nila, minsan kinakailangan lang manahimik at magpahinga upang mag-ipon ng lakas para sa pagbangong muli.

narito ang isang napakagandang awitin ni bayang barrios na may pamagat na "isipin mo na lang." mula ito sa kanyang ikatlong "album" na "alon." ginamit rin ang awiting ito sa pelikulang "ang pagdadalaga ni maximo oliveros." ito ang napili kong kanta dahil muli kong narinig na awitin ito ni bayang (kasama sina mike at angelo villegas) noong biyernes (marso 13) sa "conspiracy garden & cafe." kasama din niyang kumanta si diyosa, na naunang tumugtog noong gabing iyon. at isa pa, pinili kong isulat ang blog na ito sa wikang filipino sa kadahilanan na ring ang napili kong kanta ay nasa sarili nating wika, at para na rin maiba naman.



nangangamba ka ba na ngayong malayo ka
ako kaya ay magbago?
hinahanap ko ba sa iba ang ligaya
ngayong tayo'y magkalayo

manatili't 'wag matinag
sa pag-ibig mo ay bihag
ang puso kong ito...

isipin mo na lang
ang ating samahan
at ang pag-ibig ko sa'yo...

isipin mo na lang
ang ating samahan
at ang pag-ibig ko sa'yo...

isipin mo na lang ngayong natagpuan
tunay na magmamahal sakin
at ang nag-iisang hadlang
ay ang pansamantalang paghihintay
ba't di ko gagawin?


hmmm.... naisip ko lang... hindi ako maghihintay ng walang kasiguruhan kung hindi kita tunay na mahal...